
Schi, prië y festejé
N esperienza cun Gejù da nia desmincë!
Un di majeri "Events" dl SKJ Sëlva y S.Cristina ie l "SKI - PRAY - CELEBRATE - dein
unvergessliches Erlebnis mit Gott". Chëst ann l on metù a jì dal 19 ai 21 de fauré a Oies tla
Val Badia. 14 jëuni y jëuni de Gherdëina ie unic pea. Ënghe Gottfried Schwarzenberger y Karl
Hohenegger fova leprò. Gottfried ie de Salzburg y Karl dl Vinschgau. Tramedoi ie maestri de
schi y perchël propi adatei per na tel esperienza. Ëi fej plu suvënz tel miscions per purté Gejù
ai jëuni y nes à ënghe nëus menà tres dut l fin dl ena. Tl zënter de esperienza foa sambën
Gejù! On scumencià l fin dl'ena cun na santa mëssa a Oies fata da druch da i jëuni nstëssa.
On pudù durmì propi diretamënter a Oies sota la cësa de Ujep Frëinademez. Che ie propi n
gran unëur. Daldò a uni un judà pea a ajnié ca la cëina. Nëus on finà via la prima sëira cun
juesc che renforza la cumunità, balan fajan Apres Ski (bele l di dant che jon cun i ski) y
ciantan.
L di do à scumencià bel abenëura da duman cun cianties de lauda y maian da gusté per
vester snel sun pista. N chël di fova l di dedica al jì cun i schi. Son furnei dut l di adum cun i
schi. On fat juesc y pitla "challeges" sun pista, y ënghe l cianté sun l sessellift y te la condles
ne pudova nia mance. Naturalmënter an ënghe assé dlaurela da paussé y da ciaculé. Do
cëina fova l highlight, la sëira dla misericordia. Pater Franz y Bruder Michael nes a menà tres
la sëira. Nëus on laudà y rengrazià l seniëur y an ënghe dlaurela de prië tl chiet. Nëus on pria
un per l'auter y n valguni ie nce jic a pista. Chësta sëira nes a duc tucà sot tl cuer y se on duc
mplenì dl gran amor de Gejù.
La legrëza nes on nia lascià tò. Dan jì a durmì son mo stac adum y sunà y cianta.
L terzo y ultimo di on scumencià ciantan y laudan Gejù. Karl nes a cuntà coche coche l se a
cunvertì. Do la paroles fineles de Gottfried on ruma adum y son piei de reviers a cësa
Duc canc fova cuntënc de chësc beliscimo fin dl'ena. Nëus pudan viver cun autri Cristians y
on giapa ngrum de forza. Da chësc fin dl'ena, ma ënghe pra d'autra manifestazions dla
religion catolica, a i jëuni y la jëunes udù che Gejù fej miraculi!
Rengrazion ala Union Pasturela de Gherdëina y la SKJ per l sustëni. L majer de gra ti va
sambën a GEJÙ!
Linda Perathoner